•    Erreketa ondoren sardina jan solidarioa ospatuko da, Caritasen alde. Bilboko Udaleko Turismo eta Jaietako Sailak antolatu du ekitaldia. Bere laguntzaileak hurrengoak dira: Caritas, Santurtziko Udala,  Alde Zaharreko Merkatarien Elkartea, Erriberako Merkatuaren Merkatarien Elkartea eta Bizkarra Okindegiak eta Gozogileak.

Aurten pertsonaia beldurgarriak, Don Karolino, Aratusteen ohiko garapena mehatxu egin du. Don Karolinok mundu osoan Aratusteen ospakizuna debekatu du eta bere
harridurarako, eta Bilboko hiritarren ezbeharrerako, Bilbon Sardina Andrea buru, denak mozorrotuta daude eta anonimatu aprobetxatuz inoiz baino hobeto pasatzen jabetu ditu.

Bere fraide musikari jagolearen lagunduta, Don Karolinok Bilbora bidaiatuko du ustekabez festara amaiera ipintzeko, Sardina Andrea atxilotzeko eta Arriaga Plazan publikoki epaitzeko. Inkisidorearen etorrera igande honetan espero da.

IGANDEA 19.30  orduak PLAZA BARRIA

Sardina Andrea gozatzen ari da publiko artean. Aratusteak ospatzen ari dira jakin gabe beren azken festaren minutuak izango direla. Urrunetik gaita eta danborren soinuak entzungo dira eta oso haserre dirudien gizon baten ahotsa. Soinua gero eta hurbilago entzungo da eta gizonaren ahotsak azkenean adieraziko du: “Hor daukagu! Sardina Andrea!”

IGANDEA 19.35 orduak ZAMUDIOKO ATALA

Musikak inkisidorearen etorrera iragarriko du. Bilboko handiki baten harropuzkeriarekin gizona, bere aurrekoen karikatura komikoa, pertsonaia baldarra. Bere lanaren lehen eguna denez,  hutsegiteak baino ez ditu egingo eta tontakeriak esango ditu denbora osoa. Hau dela eta, gero eta gehiago haserretuko da.

Hamabi fraide musikarik gaitak eta danborrekin lagunduko dute. Baita bere mendeko dauden lau fraide. Hauek kaiola eramateko, sardina atxilotzeko eta beren nagusiaren amorrua jasateko arduradunak dira. Beren nagusiaren karikatura handituta dirudite azken hauek: baldarragoak, publikoarekin haserretuko dira, haien artean… Mugitzen ez den sardina bat harrapatzea ere kostatuko zaie.

Azkenean lortuko dute eta Arriaga Plazara bideratuko dira. Bertan izango baita sardinaren epaiketa eta erreketa. Jarraigoa Dendarikaletik, Santiago Plazatik, eta Bidebarrietatik pasatuko da.

IGANDEA 19.55 orduak  ARRIAGA PLAZA

Inkisidoreak eskribauari  deituko dio pulpitura elkarrekin igotzeko (garabi batek 6 metro altuera igoko zaie). Ustekabean, eskribauak abesti oso alaia abestuko du, soprano baita.

IGANDEA 20.05 orduak EPAIKETA

Epaiketa honetan denetarik egongo da: defentsa, fiskala eta epailea. Don Karolinok berak hiru paper interpretatuko ditu. Publikoa hitzez adoretuz, bai bere alde bai bere kontra ipintzen interpretatzen duen paperaren arabera. Nahasi egingo da baina epaiketak aurrera egingo du. Epaia? Erruduna. Zigorra? Erreketa suan.

IGANDEA 20.10 orduak SARDINA ANDREAREN ERREKETA

Fraide musikariek beren instrumentuak jotzen duten bitartean, menpeko fraideek Sardina suan ipiniko dute eta erre egingo dute. Sardinak agurra esango du Bilbora itzuliko dela hitzematen. Hau guztia eskribauaren ahotsarekin girotuta. Damututa eta oso goibel, Sardina Andreari agurra emango dio abesti triste batekin.

SARDINA JAN SOLIDARIOA CARITASEN ALDE

Hain gertaera tristeari aurre egiteko, Sardina Andrearen erreketa  eta gero Arriaga Plazan SARDINA JAN SOLIDARIOA izango da. Caritasen alde egingo da eta prezio sinbolikoa izango da, euro bat. Bilboko Udaleko Turismo eta Jaietako Sailak antolatu du ekitaldia. Bere laguntzaileak hurrengoak dira: Caritas, Santurtziko Udala,  Alde Zaharreko Merkatarien Elkartea, Erriberako Merkatuaren Merkatarien Elkartea eta Bizkarra Okindegiak eta Gozogileak.

•    Joan den urteko harrera ona kontuan izanda, aurten ere Bilboko Udal Musika Bandak Aratusteetako Kontzertu Berezia eskainiko du. Gainera, Kontzertua Farolin eta Zaranbolasen epaiketarekin bat egingo da. Kontzertu-epaiketa berezi hau ostiralean izango da, otsailak 12, 20.00 orduetan  Zabalgune Eraikinean.

•    Otsailaren 13an, larunbatean, hiritarrek KARRIKALDIArekin gozatu ahal izango dute. DESFILE ikusgarria Kale Nagusian zehar ibiliko da, Jesusen Bihotzetik Urkijoraino. Honek Bilboko kaleak musikal ikusgarri batean transformatuko ditu.

•    Ondoren ARATUSTODROMOa hasiko da. Moyua Plaza eta Plaza Biribila Mazarredo/ Urkijo kale bidegurutze bitartean instalatuko da. Bertan Mozorro Lehiaketaren 6.000 euro banatuko dira.

•    Jaiak ARATUSTEKO DANTZALDI BEREZI batekin aurrera egingo du Plaza Barrian. Orkestra Fabulosa musika eta giroa ipintzeko arduraduna izango da.

•    Umeentzako programazio zabalak, Euskal dantzek, gastronomiak eta folkloreak osatzen dute 2010eko Aratusteen programa, eta noski sardina erreketa.

•    Aurtengo Aratusteetan ere Jai Batzordeak egindako programazio ofiziala eta erakunde pribatuek antolatutako ekintzak uztartzen dira: Barnaval lehiaketa, Cafe La Granja antolatutako etxeko txorizoen dastatzea edota Bilboko Konpartsen ekintzak, besteak beste.

Bilboko Udaleko Turismo eta Jaietako Sailak antolatutako aurtengo Aratusteetan musika izango da protagonista nagusia. Izan ere, musika nonahi izango da. Adibidez, hurrengo ostiralean, otsailak 12, Udal Musika Bandak eskainiko duen II Aratusteetako Kontzertu Berezian, Farolin eta Zaranbolasen Epaiketarekin batera. Eta musikak, bereziki, Bilbo inbadituko du larunbatean, otsailak 13, ordu batzuetan Kale Nagusia Broadway eszenatoki bat bihurtzeko. Aratustea irudimenari, pozari eta ondo pasatzeko gogoari jarraitzeko garaia da. Egun batzuetan, behintzat,  beti izan nahi ditugun pertsonaiak bihurtzeko. Turismo eta Jaietako Sailetik hori egitera gonbidatzen zaituztegu eta prestatu dugun programaz gozatzera. Arnasa hartu, azken puntadak eman zuen mozorroei eta zuen gorputzak ondo entrenatu. Ideia dantzatu gelditu barik gorputza eutsi arte baita.

II BILBOKO MUSIKA BANDAREN ARATUSTEETAKO KONTZERTU BEREZIA ETA FAROLIN ETA ZARANBOLASEN EPAIKETA

Pasa den urtean Musika Bandaren Aratusteetako Kontzertu Bereziak oso harrera ona jaso zuen. Horregatik aurten ere esperientzia errepikatuko da baina nobedade berezi batekin. Kontzertuan zehar 2010eko Farolin eta Zaranbolas epaituak izango dira. Hau da, José Lejarraga “Petiso”, aurtengo Farolin, eta Gurutze Beitia, Zaranbolas.

Ikuskizunean Tomas Salazar, Farolin 2009, eta Las Fellini , Zaranbolas 2009, izango dira aurtengo hautatuei testigua pasatzeko arduradunak. Horretarako “Petiso” eta Gurutze Beitia beren “bilbainia” frogatzeko proba batzuk gainditu beharko dituzte. Gainera, kontzertuan zehar Aste Nagusia 2009 Piroteknia Onenaren Saria emango zaio Astondoari. Hau guztia sanba, mambo, bolero, cha-cha-cha, pasodoble eta, nola ez, bilbainaden soinuarekin girotuta. Kepa Gallego, aktore eta zuzendaria, aurtengo Epaiketaren gidoiaz eta zuzendaritzaz arduratu da.

Kontzertu-Epaiketa hurrengo ostiralean, otsailak 12, ospatuko da Zabalgune Eraikinean 20.00etatik aurrera. Gonbidapenak  bihartik aurrera, otsailak 10, jaso ahal izango dira goizeko 10:00etatik Bilbao Turismo Bulegoan, Zabalgune Eraikinaren planta baxuan, lekua bete arte.

INOIZ IKUSITAKO MUSIKALIK ONENEK KARRIKALDIAN DESFILATUKO DUTE

Hirugarren urtez Karrikaldia antolatu du Bilboko Turismo eta Jaietako Sailak. Hurrengo larunbatean, otsailak 13, bost karrozek eta lau dantza plataformek, pixka bat altxatuta ikuspena errazteko, osatutako martxa honek Kale Nagusia zeharkatuko du Jesus Bihotza Plazatik Urkijo arte. Arratsaldeko 18:30etik aurrera 2010eko KARRIKALDIAK MUSIKALEN MUNDUA birsortuko du, 42.000 argi watt, 36.000 soinu watt, eta 56 artista eta 74 tekniko ikuskizun batekin.

Bilboko Aratusteak izanda lehenengo karroza ezin zuen “BILBAO, BILBAO” errebista musikala baino izan. Karrozaren aurreko aldean parrilla bat kokatuko da. Bertan Sardina ipiniko da, Aratusteen ikur nagusienetarikoa. Otxoa abeslariak, bere betiko dantzariekin lagunduta, musikalari izena ematen dion abestiarekin, “Bilbao, Bilbao” gozaraziko digu.

OPERAREN MAMUA: Lau metroko mamu izugarriak plataforma honetan izango diren korista eta sei dantzari zelatatuko ditu. Plataformaren hegala beltza izango da eta piano teklekin, nota musikalekin eta arrosa batekin dekoratuta izango da.

MOULIN ROUGE: karroza honek kabaret mitikoa birsortuko du. Atzealdean errota gorri bat eta bertan kulunka erraldoi bat zintzilikatuta egongo da. Musikari dagokionez can-can ez da falta izango, ezta zuzenean artista nagusiak, “La Prohibida”, nazioarteko ospe duen transformistak abestuko dituen abestiak kulunkatik.  Farolin eta Zaranbolas jendartean egongo dira.

MARY POPPINS: dudarik gabe plataforma hau umeen gogokoenetarikoa izango da. Denbora guztia kea darion tximinia handi bat. Bertan Mary Poppins, bere leial lagun Bert eta beste kedar-garbitzaileak dantza egingo dute gelditu barik.

OIHANAREN LIBURUA: Mowgliren istorioa, oihanean abandonatuko eta otso-talde batek hezitako umea, karroza bihurtuko da. Abentura honetan Mowglirekin batera Balu, tigre bat, pantera bat, suge bat eta zebra bat izango dira. Mowglik  tronu handi batean egingo du ibilbidea. Horrez gain, bi figura animatronikak izango dira: zebra eta jirafa. Aktoreak eta dantzariak, bere aldetik, animalien bezala karakterizatuko dira eta  ez mozorrotuko.

CATS: Broadwayko musikalik famatuenetarikoa ezin zuen falta ibilbide honetan. Ehunka katuen begi hegala dekoratuko dute. Horren gainean katuek dantza eta akrobaziak egingo dituzte metalezko estruktura batean. Goitik katu zaharren eta jakintsuenak dena behatuko du bere goibel sintonia abesten duen bitartean.

FLASHDANCE: 80. hamarkadaren pelikula musikalaren onenetarikoa Aratusteen magiari esker karroza bihurtuta. Dekorazioa, hasierako historiarekin bat, industriala izango da, eta erdian aulki bat egongo da. Bertan dantzari batek, pelikularen protagonista bezala, bere dantzarekiko amodioa azalduko du. Kasu honetan berarekin lau soldadore izango dira, beren rotaflexez txinpartak ateratzen.

GREASE: eta pelikula musikalaz hitz eginez gero, askorentzat hau izango litzateke onena. Plataformaren gainean Chevrolet Corvair Monza eta, atzealdean “GREASE” iragarriko duen kartel argitsua. Ibilgailuan Sandyk eta Dannyk, sei dantzarirekin lagunduta, 60. hamarkadaren institutuko urte zoragarriak gogoraraziko dizkigute.

DANCING QUEEN: ABBA taldearen irudi eztia nahitaez gogoratzen zaigu musikal hau eta nork hobe beren espiritua irudikatzeko LAS FELLINI baino. Karrozan pianoa eta gitarra eramango dituzte. Beti jaietarako prest publikoari animatuko dute karrozaren atzealdean batzeko Plaza Biribileraino ibilbidea jarraitzeko. Chiquitita leloarekin edo behar dena egiten jaia alaitzeko!

GUSTU ETA ADIN GUZTIETAKO ANIMAZIOA ARATUSTODROMOAN

Moyua Plaza eta Plaza Biribila/ Urkijo kale bidegurutze bitartean ARATUSTODROMOA instalatuko da. Arratsaldeko 20:00etik aurrera hiru eszenatokietan programatu diren ikuskizunekin gozatu ahal izango da.

Karrikaldia paretik pasa ondoren ekingo zaio hiru eszenatokietako bakoitzean aurreikusitako jarduerari eta eszenatoki bakoitzeko ekitaldiak hasteko ordua heldu arte hiru plataforma horiek mugikortasun arazoak dituzten pertsonentzako talaia izango dira. Beraz, Karrikaldiaren azken karroza pasa ondoren hasiko dira  eszenatokiak animatzen.

UMEENTZAKO ESZENATOKIA izango da lehenengoa. Bertan txikienek DJ Thobben eta LORE POWERek animatuko duten FESTArekin gozatuko dute.60. hamarkadako haurrentzako diskoteka izango da, musika, dantza eta jolasekin. Plaza Moyuatik hurbilen egongo den eszenatokia izango da hau.

Bigarrena, Aldundiaren aurrean egongo dena, GUATEQUE eszenatokia izango da, Formula 60 orkestrarekin. Honek 60., 70. eta 80. hamarkadaren dantzatzeko musika eskainiko du. Eszenatokian kristalezko bolak ipiniko dira diskoteka baten itxura egiteko. Gainera, zubi batek Kale Nagusia zeharkatuko du alde batetik bestera kale osoa dantza pista bat bihurtzeko.

Hirugarren eszenatokia ZU BAI BILBOTARRA izango da eta ikuskizun desberdinei dedikatua izango da, besteak beste, Mozorro Lehiaketaren sarien ematea. Telebistako lehiaketaren plato bat bezala dekoratua izango da. Dekoratua etengabe kolorez aldatuko da. Edozein lehiaketan bezala aurkezle bat egongo da, Asier Bilbao, epaimahai bat, Las Fellini, eta lehiakide batzuk, ZU BAI BILBOTARRA casting-ean aukeratuak. Irribarreak eta umorea ziurtatuta daude. Eszenatoki hau Urkijo kalearen hurbilena izango da.

ARATUSTE DANTZALDI BEREZI BATEKIN EGINGO DU AURRERA FESTAK PLAZA BARRIAN

Aratustodromoan programazioa amaitu ahala, Alde Zaharrean jarraituko du festak. Gaueko hamaiketan, ARATUSTEEN DANTZALDI BEREZIA hasiko da Plaza Barrian. Fabulosa orkestrak, bere 12 musikariekin, guztien gustuentzako musikarekin beteko du Plaza Barria: arrantxoarenak, pasodobleak, cumbia, salsa, cha-cha-cha, 60. eta70. hamarkadetako musika eta vals eta guztiz. Plaza karpa batekin estalita egongo da; beraz dantza eta dibertsioa ziurtatuta daude.

MOZORRO LEHIAKETA

KARRIKALDI eta ARATUSTODROMORA mozorrotuta hurbiltzen diren hiritar guztiek hartuko dute parte Jai Batzordeak antolatutako Mozorro Lehiaketan, eta Udalak banatuko dituen 6.000 euro irabazteko aukera izango dute.

Bilboko Aratusteetako bosgarren Mozorro Lehiaketan arte eszeniko eta jantzietan adituak diren kideek osatuko dute epaimahaia, aditu horiek jende artean ibiliko dira Kale Nagusiko jai guneetan. Epaimahaikideek parte-hartzea, orijinaltasuna, animazioa, errepresentazioa, interakzioa eta mozorroen itxura hartuko dituzte kontuan, besteak beste, sarituak erabakitzean. Sarituei txartel bana emango diete.

20:30ak inguruan sarituak, txartelak eskuan, ZU BAI BILBOTARRA (Urkijo ondoan) eszenatokira hurbildu beharko dute. Bertan saritutako mozorroak erakutsiz. Saria jaso nahi bada, ezinbestekoa izango da eszenatokian aurkeztea.

Lehiaketak bi maila izango ditu: UMEENA (16 urtera artekoa) eta HELDUENA. Gaztetxoenen artean 400 euroko bost sari banatuko dira, bakarkakoak edo taldeka. HELDUEN artean 5  sari banatuko dira (bakarkakoak edo taldeka): 800 euroko bakoitza.

UMEENTZAKO PROGRAMAZIOA

Umeei zuzenduko zaie 2010eko Aratusteetako programazioaren zati handi bat eta otsailaren 12tik aurrera txikienek euren neurrira egindako programazioarekin gozatu ahal izango dute.

Ostiral goiza haurren desfile batekin hasiko da, Albia Lorategietatik Plaza Barrira arte joango dena. Goizeko 11:00etan, haurren martxa Plaza Barrira heldu ondoren, txokolatada erraldoi bat egongo da, eta haurrentzako diskoteka batekin gozatzeko aukera ere bai.

Asteburuko goizak, zapatua 12 eta domeka 13, eguerdiko 12etatik aurrera Gargantua eta puzgarriak, haien artean rokodromo bat, egongo dira Arriaga Plazan. Haurrak nekatu arte saltoka egon ahal izango dira beldurgarri tripaundiren sabeletik pasa baino lehen. Ordu berean, nahi izanez gero, Erraldoi eta Buruhandien ibilera jarraitzeko aukera dago. Desfilea, bai zapatuan bai domekan, Areatza Pasealekutik Plaza Barriraino joango da.

Umeentzako tailerrak eta jolasak ere ez dira falta Plaza Barriko karpan. Ostiral 12an hasiko dira arratsaldean, 17.00tik 20.00raino. Haurrek tailerretan denbora ondo pasa ahal izango dute asteburuan, zapatuan eta domekan, goizeko ordutegian (11.00tik 14.00raino), eta astelehen 15an tailerrak goizez eta arratsaldez irekiak izango dira. Tailerren artean wii jokoak ikuspen betaurrekoekin, maskara tailerrak eta abar.

2009KO XVIII BARNAVAL LEHIAKETA

Barnaval Bilboko Aratusteetan tradizio luzeenetarikoa duen ekitaldia da, aurten bere XVIII edizioa beteko du. Ekimen honen sustatzaileak “La Ría del Ocio” aldizkaria eta Tranvía taberna dira. Mozorro eta Giropen Lehiaketa hau Bilboko ostalaritza lokalei zuzenduta dago eta Aratusteko  asteburuan, otsailak 12 eta13, izango da.

Egun horietan (baita gauetan ere) epaimahaiak erabat mozorrotuta parte hartzen duten tabernak eta dendak bisitatuko ditu baloratzeko, besteak beste, ostalaritza eta merkataritza lokalaren girotzea, Aratusteak direla eta erantsitako dekorazioa eta langileek jantzitako mozorroak.
Lokalik onena, epaimahaiaren ustez, 300 euro irabaziko ditu, bigarren sailkatuak 210 euro eta hirugarrenak 120. Sari hauez gain, trofeo batzuk, accesits eta diplomak banatuko dira partehartzaileen artean. Informazio gehiagorako www.lariadelocio.com web orrialdea kontsulta daiteke.

BESTELAKO JARDUERAK
Igande 14an, arratsaldeko 18.00tan, GAZTEDI dantza taldeak Bilborako espreski sortutako ikuskizuna eskainiko du. Ikuskizun honetan Euskal Herriko Aratuste ospetsuenen zertzelada ezberdinak taula gainean jarriko dira modu oso erakargarrian aurkeztuz.
Granja kafetegiak antolatutako etxeko txorizoen hamalaugarren Bilbo Hiria lehiaketako sari banaketa, erromeriak, kalejira Euskal Herriko instrumentuekin, eskoletako umeen dantza saioa, eta Aratusteetako Kartel lehiaketako lanen erakusketa Barrainkuako Kultur Etxean, otsailaren 15etik 26ra arte, dira jai programa osatzen duten bestelako jarduerak.

2010EKO ARATUSTEEN PROGRAMA OFIZIALA

Otsailaren 11a , eguena

19:30 h. Trapuzaharra, Arriaga Plazan (Bilboko Konpartsak).

Otsailaren 12a, barikua

10:30 h. Bilboko ikastetxeetako umeen desfilea. Albia Lorategitik Plaza Barriraino.

11:00 h. Umeentzako txokolatada. Umeentzako jaia. Plaza Barriko karpan.

17:00 a 20:00 h. Umeentzako tailerrak eta jolasak. Plaza Barriko karpan.

20:00 h. Bilboko Udal Musika Bandaren Kontzertua eta Farolin eta Zaranbolasen epaiketa. Zabalgune Eraikinean(*)(#)

Otsailaren 13a, zapatua

11:00 a 14:00 h. Umeentzako tailerrak eta jolasak. Plaza Barriko karpan.

12:00 h. Gargantua eta puzgarriak.Arriaga Plazan.
Erraldoi eta Buruhandiak.Areatza-Plaza Barria.

13:00 h. Txistulari  eta gaiteroak. Kalejira.

18:30 h. Bilboko Karrikaldia. Kale Nagusian (Jesusen Bihotza-Urkijo). (*)

20:00 a 22:00 h. Aratustodromo - 3 eszenatoki: ZU BAI BILBOTARRA, Umeentzakoa-60-70-80 Goatekea. Kale Nagusia (Moyua Pza.- Pza.Biribila).

23:00 h.: Aratusteetako Dantzaldi Nagusia. FABULOSA orkestra.Plaza Barriko karpa.

Otsailaren 14a, domeka

9:00 h. Putxerak, Plaza Barria (Bilboko Konpartsak).

11:00 h. a 14:00 h. Umeentzako tailerrak eta jolasak. Plaza Barriko karpan.

12:00 h. Gargantua eta puzgarriak.Arriaga Plazan.
Erraldoi eta Buruhandiak.Areatza-Plaza Barria.

13:00 h. Txistulari  eta gaiteroak. Kalejira.

17:00 h. Euskal dantza eskola. Plaza Barriko karpan.

18:00 h. GAZTEDI Dantza taldea. Plaza Barriko karpan.

19:30 h. Sardinaren hiletaren hasiera. Plaza Barriko karpan.

20:00 h. Sardinaren Erreketa eta Sardina Jan Solidarioa. Arriaga Plazan.

Otsailaren 15a, astelehena

11:00 a 14:00 h. Umeentzako tailerrak eta jolasak. Plaza Barriko karpan.

17:00 a 20:00 h. Umeentzako tailerrak eta jolasak. Plaza Barriko karpan.

BESTE JARDUERA BATZUK
Aratusteetako kartel erakusketa
Barrainkua Kultur Etxea
Otsailaren 15etik 26ra.Ordutegia: 09.00-21.00

La Ria del Ocio eta Tranvia tabernaren jarduerak
Otsailaren 12an eta 13an (bariku eta zapatua) BARNAVAL Bilboko Lokal eta Denden Girotze eta Mozorrotze XVIII. Lehiaketa izango da. Antolatzaileak: La Ria del Ocio eta Tranvia taberna.
Laguntzaileak: Bilboko Udala eta Merkatarien Elkarteak.

Ezintasun bat daukaten pertsonek parte hartzeko neurriak
(*)Ikurraz adierazitako jarduerek irisgarritasunaren arloko neurri bereziak edukiko dituzte.
(#)Ikurraz adierazitako jardueretan zeinuen interpretea egongo da.
Braillez egokitutako egitaraua  Bilbao Turismo bulegoetan, Jaietako Sailean, Udal auzo etxe batzuetan (San Ignazio, Deustua, La Bolsa, Begoña, Otxarkoaga, Barrainkua, San Frantzisko, Errekalde, Zorrotza),Udaletxeko eraikin printzipaleko erregistroan.

•    Casting-aren irabazleek Aratustodromo eszenatokia girotuko dute otsailak 13, larunbata, 20.00etatik aurrera. Aratustodromoa Kale Nagusian kokatuko da, Plaza Moyua eta Urkijo Kalearen artean.

Denok daukagu talenturen bat. Hori dela eta, aurten Bilboko Udaleko Turismo eta Jaietako Sailak ekimen berri bat aurkeztuko du 2010eko Aratusteetan: “ZU BAI BILBOTARRA”.  Ekimen honek hiritarrei beren trebetasunak azaltzera eta festaren protagonista nagusiak bihurtzera gonbidatzen dituzte. Honela, 2010eko Aratusteak inoiz baino partizipatiboagoak izatea espero da.

“ZU BAI BILBOTARRA” bere balio artistikoa azaldu nahi dutenentzat irekita dagoen casting batekin hasiko da. Abestu, dantzatu, txisteak kontatu, akrobaziak egin, ura buruz behera edan… berdingabeak sentiarazten edozein talentu dutenei eta Aratuste hauen protagonista bihurtu nahi duten guztiei. Hori bai, beti kontuan hartzen festa hauetan nagusi behar duen umore eta alaitasuna.

Partehartzaileek banaka, binaka edo taldeka, gehienez ere sei pertsona, parte hartu ahal izango dute. Emanaldiak lau minutu iraungo du gehienez.

IZENA EMATEA ETA CASTING-A

Casting-erako izena emateko epea urtarrilaren 26an amaituko da. Horretarako bi modu daude. Alde batetik, izena emateko orria Bilboko Udaleko web orritik (www.bilbao.net) deskargatuz eta ondoren atf@ayto.bilbao.net helbidera mezu bat bidaliz. Bestela, izena emateko orria jaso eta bete eta Bilboko Udalaren Turismo eta Jaietako Sailean (Zabalgune Eraikinaren lehenengo solairuan) entregatu. Hautaketa probetan aritzeko derrigorrezkoa da aldez aurretik izena ematea.

Parte-hartzaileak hautatzeko saioak urtarrilaren 28 eta 29an egingo dira, Zabalgune Eraikinean, (Beheko solairuan). Parte hartzea doakoa da eta 16 urtetik gorakoentzako zabalik dago (adingabekoek tutorearekin joan beharko dute).

Epaimahaia musikaren eta ikuskizunen munduarekin lotutako pertsonez osatuta egongo da. Beren ardura 10 artista/ talde aukeratzea izango da. Aukeratutakoak 2010eko Aratusteen protagonistak izango dira azkenean. Beste hiru erreserban geratuko dira.

ARATUSTODROMOAN EMANALDIA

Baina momentu nagusia artista berrientzat Aratusteen Larunbata izango da, otsailak 13, arratsaldeko 20.00etan, Aratustodromo eszenatokian (Kale Nagusian kokatuta, Plaza Moyua eta Urquiko Kalearen artean). Orduan berri aurkitutako talentuek dena eman beharko dute publiko aurrean. Gainera, oroitzapen moduan “ZU BAI BILBOTARRA” I edizioan parte-hartzea egiaztatzen duen dokumentu eta opari bana jasoko dituzte. Lehenengo urratsa…famaren bidea.

•    7.000 boto baino gehiago jaso dira Udalaren web-orrian (www.bilbao.net) eta Zabalgunera bertaratutakoen artean.

•    Jendeak emandako botoak azken puntuazioaren bi heren dira; gainerako herena epaimahaikoen erabakiari dagokio.

Azkenean “Ez da asko behar” kartela aukeratu dute Bilboko aurtengo Aratusteak iragartzeko. Egilea Mungiako Alexander Arrieta izan da. Irabazleak, Aratusteetan bere kartela Bilboko kaleetan eskegita ikusteaz gain, 2.000 euroko saria eskuratu du.

Epaimahaiak gaur, urtarrilak 12, eman du ezagutzera Bilboko 2010eko Aratusteak (otsailaren 12tik 14ra izango dira) iragarriko dituen kartela eta kartelaren egilea.
Epaimahaiburua  Isabel Sánchez Robles izan da, Turismo eta Jaietako Saileko zinegotzi eta Jaietako Batzordeko burua; epaimahaikideak, Itziar  Urtasun, Jaietako Batzordeko ordezkari politikoa eta EAJren zinegotzia Bilboko Udalean; Jon Sustatxa, Jaietako Batzordeko ordezkari politikoa eta EBren zinegotzia Bilboko Udalean; Luis Fuentes, Bilboko Konpartsetako ordezkaria; Alicia Fernández, Errekaldeko Aretoko zuzendaria; Ane Zabala, Hamaika Telebista-ko kazetaria eta  Enrique Thate, sukaldari eta urdai-prestatzaile eta sukaldaritza alemaniarrean aditua, 2006ko Aratusteetan Farolin izandakoa ere bai.

Kartel irabazlea aukeratzeko kontuan hartu dira batetik, Zabalguneko eraikinera hurbildutakoek emandako botoak eta Bilboko Udalaren web-orriaren bidez emandakoak (bi heren) eta, bestetik, epaimahaiaren erabakia (heren bat). Botoek erabaki dute sei kartel finalistetatik  (METAMORFOSIS; A GÜEVO; LOS COLORES DEL CARNAVAL; ARATUSTEAK BILBON, AZALAREN KODEA; EZ DA ASKO BEHAR eta GLOBO) zeinek iragarriko dituen aurtengo Aratusteak

Bilboko Udaleko Turismo eta Jaietako Sailak antolatzen duen Aratusteetako kartelen lehiaketara 71 parte-hartzaile aurkeztu dira aurten, iaz baino 16 gehiago.

-    Bilboko Udalak 2.000 eurorekin sarituko du Lehiaketaren irabazlea, aurten 71 lan aurkeztu dira. Pasa den urtean baino hamasei gehiago.

Bilbon, 2009ko azaroaren 16a. Bilboko Udaleko Turismo eta Jaietako Sailak 2010eko otsailaren 12tik 16ra bitartean ospatuko diren Aratusteetako Kartel Lehiaketaren sei lan finalistak ezagutzera eman ditu. Aukeratuak hurrengoak izan dira: METAMORFOSIS; A GÜEVO; LOS COLORES DEL CARNAVAL; ARATUSTEAK BILBON, AZALAREN KODEA; EZ DA ASKO BEHAR eta GLOBO. Isabel Sanchez Roblesek Bilboko Udaleko Turismo eta Jaietako Zinegotziak, Jai Batzordeko ordezkari politiko eta Bilboko Udaleko EAJ-ko zinegotzia den  Itziar Urtasun Jimenok, Jai Batzordeko ordezkari politiko eta Bilboko Udaleko EB-ko zinegotzia den Jon Sustatxak Konpartsetako kideak, Luis Fuentesek, Rekalde Aretoaren zuzendaria den Alicia Fernandezek, Hamaika Telebistaren kazetaria den Ane Zabalak, eta 2006ko  Farolina izan zen Enrique Thate sukaldaria, alemaniar sukaldaritzan espezializatuta, eta urdai-saltzaile maisuak  osatutako epai-mahaiak aukeratu ditu kartelak.

Edizio honek 71 parte hartzaile bildu ditu, pasa den urtean baino hamasei gehiago,  eta irabazleak 2.000 euro jasoko ditu.

Sei kartel finalistak Zabalgune Eraikinean eta Udalaren web orrian jarriko dira ikusgai; ondoren, herri-bozketa egiteko epea zabalduko da. Botoak honela emango dira: zuzenean Zabalgune Eraikinean bertan; Udalaren web orriaren bidez (www.bilbao.net). Herri bozketarekin batera epaimahaiaren bozketaren bidez  ere erabakiko da 2010erreko Bilboko Aratusteetako kartela.

Hori bai: erreketa Bilbotar eran eta klase handiarekin egiteko sukaldari ospetsua kontratatu da. Sardina bezalako janari tradizionalarekin nouvelle cuisine izeneko hori egingo du sukaldari horrek, hau da, ahalik eta sardina ano txikienak egingo ditu.

Sukaldaria balantza baten muturrean egongo da eta balantzaren bestaldean, sardina. Sukaldariarekin batera hogei bat dantzari eta hiru musikari izango dira, festa-jantziaz; eta horiekin batera hamar bat sukalde-laguntzaile nahiko baldar eta piano mugikorra. Piano-jolea taldearen aurrean joango da, bere zuzeneko musikarekin. Eta honi guztiari laguntzeko, noizbehinka, paper eta suzko piroteknia efektuak.

Taldearen aurrean isats-piano mugikorra, zuzenean jotzen. Sukaldaria balantza gainean doa, sardinaren alde kontrakoan. Balantza estruktura baskulagarria da: sukaldaria koilara erraldoi baten gainean eserita dago eta beste muturrean sardexka batean zulatuta sardina. Horrela, bata goian dagoenean bestea behean dago eta lekuz aldatuko dute publikoz hurreratuz edo urrunduz. Balantzaren inguruan Laguntzaileak mugituko dira, publikoaren artean dantzatzen.

Sukaldaria, xarmagarria eta jasanezina aldi berean, jendea animatuko du parte-hartzera sardina zaintzen eta maneatzen duen bitartean, piano-jolearen musikarekin liluratuko da eta laguntzaileak bere aginduak bete ditzatela arrakastarekin saiatuko du. Sukalde laguntzaileek berak agintzen duen erritmoarekin dantza egingo dute.

Gaubeilaren ordez afari prestaketak Plaza Barrian

Berebiziko ikuskizun hau gaur 19.30etan hasiko da Plaza Barrian. Bertara helduko da sukaldari taldea eta bertan egingo dira lehenengo prestaketak… baina baita lehenengo arazoak sortu ere, nola ez. Izan ere, sukaldaria bikaina da bai, baina baita intolerantea eta eroa. Afaria gertaera oso garrantzizkoa da, erantzukizun handikoa; eta tentsio egoera horiek norberaren alderik onenak eta txarrenak atera ohi ditu, egoera barregarriak sortaraziz.

Behin antolatuta, sukaldariak ongietorria egingo die bertara etorrikoei, eta aurtengo nobedadeen berri emango du: Afari Berezia. Momentu honetatik aurrera, sukaldari laguntzaileek, dantzariek eta sukaldariak berak bidean aurkituko dituzten guztiak gonbidatuko dituzte afarian parte-hartzera. Piano-jolea aurretik dutela, taldea Santiago Plazara abiatuko da.

Santiago Plaza sukalde erraldoia izango da

Taldea Santiago Plazara iritsiko da 20:00ak inguruan. Plaza sukalde erraldoia bihurtuko da. Bertan sardina sardina jalkitzen utziko da, heldu berri den publikoa agurtu eta horiei guztiei elkarrekin ibilbidea egin eta afaltzeko gonbita egingo zaie eta sardina maneatuko da.

Batzuk arraina maneatuko dute beren nahaste eta espeziekin, beste batzuek, euren olio botea atzekaldean, urreztuta eta txigortuta uzteko olioa botako dute… Besteek gatza ipini. Eta hemendik hara ibiltzen diren bitartean gehiegizko negar-zotinkan besarkatuko dira. Orduan dantzariek dantza egingo dute sukaldari laguntzaileek euren lanarekin jarraitzen dute bitartean, hau da, sardina maneatzen eta beharbada publiko ere… gatz asko eta perekil pixka bat.

Afaririk egongo ote da Arriaga Plazan?

20.30ean helduko da taldea Arriaga plazara, piano musikaz lagunduta. Sukaldariak, hunkituta eta kezkatuta, publikoa agurtuko du, hau da, mahai-kideak agurtuko ditu.

Parrilla handi batean jarriko da sardina, dantzariek pieza pare bat dantzatuko dute, baina arazoak gero eta larriagoak izango dira: piano-joleak ez dauka argi nahikorik jotzeko, argitzailea publikoko norbaitekin maiteminduko da, ez da surik egongo parrilla pizteko, sua eskatuko dute baina tabakoren aurkako kanpainak direla-eta pizgailu nahikorik ez ….

Hauek guztiak gainditu eta ematen du dena konpondu behar dela. Goazen ba mezua irakurtzera: hasteko sardina, bigarren platera sardina eta azken-burukoa… asmatzen duzue?

Dena prest… Hau momentu paregabea… Parrilla pizten dute eta… Zer gertatuko ote da? baina… ezin zuen ondo atera…Azkenean sardina guztiz erre egingo da.

Sukaldaria, hondoratuta eta haserre  barkamena eskatuko du, agurra emango da eta negar egingo du piano-jolearen sorbaldan. Ikuskizuna pianoaren  musika oso oso tristearekin amaituko da.

Bilbo, 2009ko otsailaren 23a. Dulantzi eta dibertsio egunen ondoren, Aratusteen bukaera heltzear dago. Amaiera honek hurrengo urtera arte dena amaitu dela gogoratzen digu. Dulantzia pixka bat luzatzeko BIHAR Arriaga Plazan afari berezi bat egingo dute. Menua? Sardina, noski. Krisialdi honetan ezin janaria bota, ez jauna.

Hori bai: erreketa Bilbotar eran eta klase handiarekin egiteko sukaldari ospetsua kontratatu da. Sardina bezalako janari tradizionalarekin nouvelle cuisine izeneko hori egingo du sukaldari horrek, hau da, ahalik eta sardina ano txikienak egingo ditu.

Sukaldaria balantza baten muturrean egongo da eta balantzaren bestaldean, sardina. Sukaldariarekin batera hogei bat dantzari eta hiru musikari izango dira, festa-jantziaz; eta horiekin batera hamar bat sukalde-laguntzaile nahiko baldar eta piano mugikorra. Piano-jolea taldearen aurrean joango da, bere zuzeneko musikarekin. Eta honi guztiari laguntzeko, noizbehinka, paper eta suzko piroteknia efektuak.

Gaubeilaren ordez afari pestaketak Plaza Barrian

Berebiziko ikuskizun hau BIHAR 19.30etan hasiko da Plaza Barrian. Bertara helduko da sukaldari taldea eta bertan egingo dira lehenengo prestaketak… baina baita lehenengo arazoak sortu ere, nola ez. Izan ere, sukaldaria bikaina da bai, baina baita intolerantea eta eroa. Afaria gertaera oso garrantzizkoa da, erantzukizun handikoa; eta tentsio egoera horiek norberaren alderik onenak eta txarrenak atera ohi ditu, egoera barregarriak sortaraziz.

Behin antolatuta, sukaldariak ongietorria egingo die bertara etorrikoei, eta aurtengo nobedadeen berri emango du: Afari Berezia. Momentu honetatik aurrera, sukaldari laguntzaileek, dantzariek eta sukaldariak berak bidean aurkituko dituzten guztiak gonbidatuko dituzte afarian parte-hartzera.
Piano-jolea aurretik dutela, taldea Santiago Plazara abiatuko da.

Santiago Plaza sukalde erraldoia izango da

Behin Santiago plazan, sardina jalkitzen utziko da, heldu berri den publikoa agurtu eta horiei guztiei elkarrekin ibilbidea egin eta afaltzeko gonbita egiten zaien bitartean.

Jende kopurua eta sardinaren neurria ikusita bidean zehar pintxoren bat har dezatela iradokiko dute sukaldari ero hauek. Azken finean, nouvelle cuisine izeneko horrek ez du miraririk egiten. Dantzariek ekitaldia alaituko dute eta sukalde laguntzaileek sardina eta beharbada publikoa maneatuko dituzte gatz askorekin eta perrexil apur batekin, jarraian Arriaga Plazara joateko.

Afaririk egongo ote da Arriaga Plazan?

20.30ean helduko da taldea Arriaga plazara, piano musikaz lagunduta. Sukaldariak, hunkituta eta kezkatuta, publikoa agurtuko du, hau da, mahai-kideak agurtuko ditu.

Parrilla handi batean jarriko da sardina, dantzariek pieza pare bat dantzatuko dute, baina arazoak gero eta larriagoak izango dira: piano-joleak ez dauka argi nahikorik jotzeko, argitzailea publikoko norbaitekin maiteminduko da, ez da surik egongo parrilla pizteko, sua eskatuko dute baina tabakoren aurkako kanpainak direla-eta pizgailu nahikorik ez ….

Hauek guztiak gainditu eta ematen du dena konpondu behar dela. Goazen ba mezua irakurtzera: hasteko sardina, bigarren platera sardina eta azken-burukoa… asmatzen duzue?

Dena prest… hau momentu paregabea… parrilla pizten dute eta… Zer gertatuko ote da? Batek daki! Edo, hobe esanda: bertara gerturatzen direnek bakarrik jakingo dute.

•   Bilboko Udal Musika Bandaren kontzertuaz gainera, 2009ko Eurovision jaialdian parte hartzeko finalaurrekoetara iritsi den Virginia bizkaitar abeslariaren emanaldiarekin gozatzeko aukera egongo da .

•   Bertara gerturatzen direnek karolinoa jasoko dute, Bizkaiko gozotegiek aurtengo kartelarekin egin duten pastela.

Tokia: Zabalgune eraikina (Zabalgune Plaza 11 Bilbo)
Eguna: Osteguna, 2009ko otsailak 19
Ordua:
Bilboko Udal Bandaren kontzertu hasiera : 19:30
Farolin eta Zarambolasi omenaldia: 20:00
Virginiaren emanaldia: 20:30 gutxi gora behera
Karolino banaketa: 20:35 gutxi gora behera
GONBIDAPENAK AGORTUTA DAUDE

Bilboko Udaleko Turismo eta Jaietako Sailak Bilboko Musika Bandaren Aratusteetako Kontzertu Berezia antolatu du. Emanaldia bihar izango da, otsailak 19, arratsaldeko 19:30ean, Zabalgune Eraikinean.

Iñaki Urkizu Kerejetaren zuzenpean, Udal Musika Bandak bertan bildutakoei atsegin emango die Ruperto Chaparen bi zarzuelarekin eta aratuste-moduko pieza batzuekin, besteak beste, “Las siete calles”, “Estampas bilbaínas”, “Tico-tico” eta”El cumbanchero”.

Kontzertuaren atsedenaldian, Jai Batzordeak eta “La Orden Botxera”k urteetan zehar Farolín eta Zaranbolas sariak modu adoretsu eraman zituzten eta zendu diren bilbotarrei omenaldia egingo diete.

Kontzerturako gonbidapenak agortuta daude.

2009KO EUROVISION JAIALDIAREN FINALERDIETAN PARTE HARTUKO DUEN VIRGINIAREN EMANALDIA

Bilbotar jatorriko Virginia  abeslaria ere izango da biharko kontzertuan. Datorren larunbatean, otsailak 21, 2009ko Eurovision jaialdian parte hartzeko lehiaketan arituko da, True Love abestiarekin.

Rafa Artesero  piano-piano ohi eta bilbotar musikariaren iloba da Virginia, eta berak defendatzen duen True Love abestia Rafa Artesero berarena da. Espainiako Eurofans web orrian hirugarren izan da abestia finalerdietan parte hartzen duten hogei eta hamar abestien artean.

Joan den larunbatean, otsailak 14, ospatu zen lehen finalerdia. Bertatik hiru irabazle atera ziren: Melody, los La la Love You eta Noelia Cano. Virginia bigarren finalerdian lehiatuko da, eta egun horretan Soraya, Roel, Jorge González, Calipop, Electronikboy, Diqesi, Leather Boys, Ángeles Vela eta Salva Ortega lehiakideek ere hartuko dute parte.
Ez da lehen aldia osaba-iloba hauek elkarrekin lan egiten dutela. Virginiak Rafa Arteseroren lan gehiago grabatu ditu, besteak beste “Mi razón de vivir”, publiko artean Arteseroren lehen arrakasta eta Ainhoak 2003ko Eurovisionen izateko defendatu zuen kanta. 2006an bere osabaren beste abesti batekin (“Por verte sonreir”), aukeratu zuten Virginia Mediterranio jaialdirako. Virginiak, gainera, 2007ko Tenerifeko Candelaria jaialdia irabazi zuen osabak idatzitako “Lei le le” abestiarekin, Mision Eurovision –eko 15 lan finalisten artean ere egonik.

KAROLINO BANAKETA

Bilboko Udaleko Turismo eta Jaietako Sailak Karolinoak banatuko ditu Aratusteetako Kontzertu Berezira doazenen artean.

Bizkaiko Gozogileen Alkartasuneko kide diren hiru gozotegik 2009ko ARatusteetako kartela 3 dimentsioetara pasatzea eta DON KAROLINO benetako gozo egitea erabaki dute.

Dagoeneko salgai daude pastelok.
Nevada, Urrestarazu eta Gernika gozotegietako erakusleihoak apaintzen ditu orain egun batzuk hona Señor Potato pertsonaiaren bilbotar bertsio honek. Bilboko Udaleko Turismo eta Jaietako Sailak deitutako Kartel Lehiaketako irabazle Jokin de Cerio Millán getxotarrak sortu du kartela.

Bizkaiko Gozogileen Alkartasunaren hitzetan elkarte honek sorpresa pozgarria hartu zuen sei finalistetako batek Bilboko pastel enblematikoa erabiltzen zuela jakitean, eta bozketatan kartelaren alde egitea erabaki zuen.

Bizkaiko gozotegietako goxo esklusiboetako bat da Carolina. Hostopil oinarri gozoa, merenge dorre batekin amaitua. Alde batetik arrautza gorringo pintzelada, eta beste alde batetik txokolate zoragarria. Izenaren jatorriaren inguruan mila eta bat kondaira daude. Zabalduena pastela asmatu zuen gozogilearen alabaren izenari omenaldia egiten diona da. Zazpi manipulazio behar ditu postre honek, belaunaldiz belaunaldi gure jai eta ospakizunetan lekua hartu duen gozo berezi honek.

•    Karrikaldia ikuskizunean zortzi karroza irtengo dira Jesusen Bihotza Plazatik eta Kale Nagusia zeharkatuko dute INFERNUA eta ZAZPI BEKATU KAPITALAK irudikatuz. Argi eta soinu ikuskizun honetarako sortutako zortzi karroza izango dira bertan, eta 180 artista baino gehiagok hartuko dute parte.

•    Aratustodromoak hiru eszenatoki desberdin izango ditu Moyua Plaza eta Kale Nagusia eta Mazarredo arteko bidegurutzea bitartean eta bertan izango da Mozorro lehiaketako sari banaketa, 6.000 euro baino gehiago banatuko dituen lehiaketako sari banaketa.

•    Larunbat arratsalde-gau partean bi kale animazio orkestra ibiliko dira, Kale Nagusiaren eta Alde Zaharraren inguruetan, Plaza Barrian egingo den ARATUSTE DANTZALDI BEREZI bati bidea emateko.

•    Umeentzako programazio zabalak, Euskal dantzek, gastronomiak eta folkloreak osatzen dute 2009ko Aratusteen programa, eta sardinaren erreketarekin bukatuko dira Aratusteak otsailaren 24an, asteartean.

•    Aurtengo Aratusteetan ere Jai Batzordeak egindako programazio ofiziala eta erakunde pribatuek antolatutako ekintzak uztartzen dira: Barnaval lehiaketa, Cafe La Granja antolatutako etxeko txorizoen dastaketa edota Bilboko Konpartsen desfilea, besteak beste.

Bilbo 2009ko otsailaren 17a. 2009an Bilboko Aratusteek 30 urte betetzen dituzte eta Farolin eta Zarambolas, Aratusteko pertsonaiarik bertokoenak, berriz, zilarrezko ezteiak. Hori dela-eta aurtengo Aratusteei hasiera emateko Bilboko Musika Bandak Aratusteetako Kontzertu Berezia eskainiko du hurrengo ostegunean, otsailak 19, Bilboko Zabalgune Eraikinean. Kontzertu honetan, omenaldia egingo zaie 25 urte hauetan zehar Farolin eta Zaranbolas izendapenak modu adoretsuan eraman dituztenei, zendu direnak bereziki gogoratuz.

Baina kontzertu-omenaldi hau hasiera besterik ez da. Azken finean 30 urte ez dira egunero betetzen eta merezi duen moduan ospatu behar da horrelako urteurrena. Horretarako Bilboko Aratusteek bilbotar guztiei gonbita berezia luzatu nahi diete: LUXURIA eszenatokira igotzera, SABELKERIAz gozatzeko Cafe La Granja antolatutako etxeko txorizoen lehiaketan, ZEKENKERIA azaltzera otsailaren 21ean Mozorroen Lehiaketan, ALFERKERIAren kontra jokatzera eta kalera irtetera ondo mozorrotuta, etortzear dauden festa egun hauetan SUMINA alde batera uztera, Barnaval irabaziko duen lokalaren aurrean BEKAIZKERIA sentitzera eta, beste aldetik, HARROKERIAren begirada erakustera gu geu baldin bagara inbidiatuak. Izan ere, Turismo eta Jaietako Sailak INFERNUA ETA ZAZPI BEKATU KAPITALAK aukeratu ditu 2009ko Aratusteen ardatz nagusi gisa.

PABELLON VEGA KABARETA BIRSORTUKO DU BILBOROCKEKO EPAIKETAK

Ohikoa den Farolin eta Zarambolasen Epaiketak egoitza estreinatuko du aurten: Bilborock aretoan. Bertan izango dira epaituak hurrengo ostiralean, otsailak 20, arratsaldeko 20:00etan, Tomás Salazar, Farolin, eta Las Fellini, Zarambolas. Aldaketarekin ekitaldiak leku gehiago izango du eta ezaugarri tekniko hobeak eskainiko dizkio antzerki, kabaret edota auto sakramentalaren formatua duen prozesu chirene honi.
Gai ezberdin bati buruzkoa izaten da urtero pertsonaia hauen epaiketa, eta ekitaldiaren gidoia eta pertsonaien defentsa gai honetan oinarritzen dira. Bilborockeko estreinaldirako hain bilbotarra den ekitaldiak ezin zuen giropen hoberik aukeratu. Izan ere, antzezpena Pabellon Vegaren kabareten oinarrituko da. XX. mende hasieran kabaret hau, antzinako La Merced komentuaren (gaurko Bilborock) ondoan zabaltzen egiten zen, La Naja eta Bailenen arteko kantoian.

“La venganza de Don Julián” izenpean, epaiketak 1915eko Bilboko Aratusteak birsortuko ditu eta bertan Don Julián Vega, Salon Vegaren jabea eta bere varietes programa aurkituko ditugu, Raquel Mellerrekin, ilusionistekin eta vedettekin. Bilborockeko eszenatokian Aita Basterra, lokal honen etsairik nagusienetakoa, edo La Merced komentu horretako mojak ere agertuko dira, antzokiaren emanaldien berri ematen zuen txirrina-kanpaiarekin zuten arazoekin.
Carlos Bacigalupe, idazlea, kazetaria eta, besteak beste, Bilbao a escena, Pequeña historia del Teatro Arriaga eta ABAO, 50 años de historia 1953-2003 lanen egilea  da aurtengo epaiketaren gidoiaren egilea. Eszenaren zuzendaritza, aldiz, Kepa Gallego aktore eta zuzendaria.

INFERNUAK ETA ZAZPI BEKATU KAPITALEK KALE NAGUSIA ZEHARKATUKO DUTE 2009KO KARRIKALDIAN

Bigarren urtez Karrikaldia antolatu du Bilboko Turismo eta Jaietako Sailak. Hurrengo larunbatean, otsailak 21, karrozek, fanfarriek eta kale animazioak osatutako martxa honek Kale Nagusia zeharkatuko du Jesus Bihotza Plazatik Plaza Biribila arte. Arratsaldeko 18:30etik aurrera 2009ko Karrikaldiak INFERNUA eta ZAZPI BEKATU KAPITALAK birsortuko ditu, argia, soinua, zortzi karroza eta 180 artista baino gehiagoko ikuskizun batekin.

CARONTEk, Hadeseko txalupa-zainak, irekiko du Karrialdia, INFERNUAREN ATEA izeneko lehenengo karrozari bidea eginez. INFERNUAREN ATEAk Bilbo bekatuz betetako hiri bihurtuko du, egun batez. Cerbero munstroa, abernuaren ateen zaintzaile beldurgarria, izango da karroza honen protagonista. Kasu honetan munstro oraindik beldurgarriagoa, Cerbero hiru buru duen dragoia izango baita.

ZEKENKERIA: Ondasun materialak eta materiagabeak izateko gogoa. Luxua, gutiziaren grina… Urrea da dudarik gabe bekatu kapital honen ikurra, horregatik metal honen kolorea bigarren karroza honetan nagusituko da. Aberatsek, dirudunek eta izugarri dirudunek Kale Nagusitik barena lagunduko dute karroza.

BEKAIZKERIA: gure hiria definitzen duen beste bekatua. Baina ez bilbotarrok bekaizkorrak garelako; baizik eta besteek inbidia izaten digutelako Bilbon jaio izanagatik. Inbidiatuenetarikoenak: Farolin eta Zarambolas, edozein bilbotarrek esango lukeen moduan, Euskadiko Aratusterik hoberenen protagonistak. Pertsonai enblematiko hauek izango dira karroza honen erakarpen nagusiena, balantza erraldoia, 2009ko Farolin Tomas Salazar eta gure sardina maitea hartuko baititu karrozak. Eta Zarambolas?

SABELKERIA: Bilbon bekaturik nagusiena. Hiri honetan momenturo jaten dugu, eta ez beti gose garelako. Bilbo gastronomia erreferentea da, beraz, ahaztu ditzagun dietak eta jan dezagun neurririk gabe Aratuste hauetan. Gargantuak, Bilboko sinboloak, irudikatuko su sabelkeria bere aseezin jan nahiarekin. Sukaldari dibertigarri eta frenetikoak joango dira Gargantuarekin eta espageti eta haragi-bola lapiko artean.

SUMINA: guda da suminaren sinbolorik argienetarikoa. Hori dela-eta tanke handi bat izango da karroza honetan protagonista. Gudaren aurkako jarrera adierazteko eta Aratusteetan berezkoa den herri desberdinen ulermenaren alde egiteko aukera, beraz. Armen eta ejertzitoen zentzugabea sentituko duen karroza.

LUXURIA: Bilbon gozamenetan adituak garen arren, luxuriarekin kontua konpontzeke daukagu. Tradizioaren arabera, Bilbon ez da asko ligatzen eta hori atontzeko bilbotarren libidoa igo nahi dugu. Burlesquearen maitasun arteak eta arte eszenikoak erabiliko ditugu. Dantzari dotore eta sentsualek animatuko dute aratusteetako  ikuskizun hau: streapteas barrak, sentsualitatea… Bertan egongo dira Las Fellini, aurtengo ZARAMBOLAS ere. Ikuskizun dotore eta iradokitzailea, familia osorako gai.

ALFERKERIA: erremediorik gabeko alferrak gara, baita bilbotarrak ere. Badakigu, bai, ezer ez egiten egote horretaz gozatzen, eta siesta beste plazerretako bat gisa definitzen dugu. Karroza erdian kokatutako ohe batek sinbolizatuko du alferkeria. Bere ondoan, hainbat lagun, txabusina eta kamisoia jantzita, aharrausi egiten eta nagiak ateratzen. Hondatutako erloju handi bat ere izango da bertan eta alferrak ernatzen saiatuko da. Lortuko al du?

HARROKERIA: bilbotar harrotasuna da gure hiria definitzen duen ezaugarrietako bat. Bilbotarrak izatearen harrotasunagatik gara ezagunak gara mundu osoan. Karroza honetan, beraz, harrokeria irudikatzeko ispilu handi bat, harrotasunez geure burua bertan begiratzeko. Ipuinaren ispilua izango balitz bezala, ezin izango diogu lema ezaguna errepikatzeari utzi: Ispilu maitea, ispilu maitea… Ba dago Bilbo baino hiri politagorik?

2009ko Karrikaldiak 72.000 argi watt eta 28.000 soinu watt izango ditu, eta karrozekin batera, sei artista konpainia, 25 musikariz osatutako fanfarre dibertigarria, batukada, hankaluzeak, publikoarekin elkarri eragingo duten zonbiak eta perkusio talde bat.

UMEENTZAKO FESTA, KABARETA ETA BEATLESEN MUSIKA ARATUSTODROMOAN

Moyua Plaza eta Mazarredo/ Urkijo kale bidegurutze bitartean Aratustodromoa instalatuko da. Arratsaldeko 20:00etatik aurrera hiru eszenatokietan programatu diren ikuskizunekin gozatu ahal izango da.

Karrikaldia paretik pasa ondoren ekingo zaio hiru eszenatokietako bakoitzean aurreikusitako jarduerari eta eszenatoki bakoitzeko ekitaldiak hasteko ordua heldu arte hiru plataforma horiek mugikortasun arazoak dituzten pertsonentzako talaia izango dira. Beraz, Karrikaldiaren azken karroza pasa ondoren hasiko dira  eszenatokiak animatzen, eta horretarako 35.000 argi watt eta 20.000 soinu egongo dira.

UMEENTZAKO ESZENATOKIA izango da lehenengoa. Bertan txikienek DJ Thobben & Pilar Monika Txouk animatuko duten FESTArekin gozatuko dute. 70. hamarkadako harrentzako diskoteka izango da, musika, dantza eta jolasekin. Plaza Moyuatik hurbilen egongo den eszenatokia izango da hau.

CABARET eszenatokia, Aldundiaren aurrean egongo dena, LUXURIA karrozaren luzapena izango da. Izan ere, Foru Aldundiaren eraikinera heldutakoan, Karrikaldiko Luxuria karrozak ibilbidea albo batera utzi gelditu egingo da, CABARET izeneko eszenatokia bihurtzeko. Luxuria karrozan etorriko diren Las Fellinirekin batera, CABARET eszenatoki honetan Asier Bilbao eta Serafin ere arituko dira. CABARET/LUXURIA eszenatokian banatuko dira mozorro lehiaketako sariak.

Kale Nagusia eta Urkijo bihurgunetik gertu, garai bateko Gran Vía zine aretotik gertu, ezarriko da hirugarren eszenatokia: BEATLES COVER BAND ESZENATOKIA.

Bitartean, TANDARICA ORKESTAR izeneko kale animazio taldea Kale Nagusiatik gertu dauden taberna inguruetan ibiliko da. 5 aktore eta 6 musikari hauek balkanetako musika ikuskizuna eskainiko dute, zirku ukituarekin.

ARATUSTE DANTZALDI BEREZI BATEKIN EGINGO DU AURRERA FESTAK PLAZA BARRIAN

Aratustodromoan programazioa amaitu ahala, Alde Zaharrean jarraituko da festak.
Hemen ere kale animazioaren orkestra bat izango dugu, ALWAYS DRINKING MARCHING BAND, inguruetako Alde Zaharreko kale eta tabernetan barrena. Taldea osatzen duten 10 musikariek eta clown batek dantzaz, musikaz eta gags beteko dituzte kaleak , beti publikoarekin kontaktu estua mantentzen.

Eta, gaueko hamaiketan, aurtengo nobedaderik handienetarikoa: Plaza Barriko ARATUSTEEN DANTZALDI BEREZIA. Tarantella orkestrak, bere 12 musikariekin, guztien gustuentzako musikarekin beteko du Plaza Barria: arrantxoarenak, pasodobleak, cumbia, salsa, cha-cha-cha, 60. eta70. hamarkadetako musika eta vals eta guztiz. Plaza karpa batekin estalita egongo da; beraz ez dago aitzakiarik dantza ez egiteko.

MOZORRO LEHIAKETA

Karrikaldi eta Aratustodromora mozorrotuta hurbiltzen diren hiritar guztiek hartuko dute parte Jai Batzordeak antolatutako mozorro lehiaketan, eta Udalak banatuko dituen 6.000 euro irabazteko aukera izango dute.

Bilboko Aratusteetako laugarren Mozorro Lehiaketan arte eszeniko eta jantzietan adituak diren kideek osatuko dute epaimahaia, aditu horiek jende artean ibiliko dira Kale Nagusiko jai guneetan. Epaimahaikideek parte-hartzea, orijinaltasuna, animazioa, errepresentazioa, interakzioa eta mozorroen itxura hartuko dituzte kontuan, besteak beste, sarituak erabakitzean. Sarituei txartel bana emango diete.

20:30ak inguruan sarituak, txartelak eskuan, LUXURIA (Aldundiaren ondoan) eszenatokira hurbildu beharko dute. Bertan saritutako mozorroak erakutsiz. Saria jaso nahi bada, ezinbestekoa izango da eszenatokian aurkeztea.

Lehiaketak bi maila izango ditu: UMEENA (16 urtera artekoa) eta HELDUENA. Gaztetxoenen artean 120 euroko bost sari banatuko dira, bakarkakoak edo bikoteka. Halaber, 300 euroko hiru sari banatuko dira umeek osatutako kuadrilen artean (3 ume edo gehiagok osatuta).

HELDUEN artean 14 sari banatuko dira: 200 euroko 5 sari bakarkako sailean,  300 euroko 5 sari bikoteen sailean eta 550 euroko 4 sari kuadrilen artean (hiru pertsonek edo gehiagok osatutakoak).

UMEENTZAKO PROGRAMAZIOA

Umeei zuzenduko zaie 2009ko Aratusteetako programazioaren zati handi bat eta otsailaren 20tik aurrera euren neurrira egindako programazioaren gozatu ahal izango dute txikienek.

Ostiral goiza haurren desfile batekin hasiko da, Albia Lorategietatik Plaza Barria arte joango dena. Goizeko 11:00etan, eta haurren martxa Plaza Barrira heldu ondoren, txokolatada erraldoia egongo da, eta haurrentzako diskoteka batekin gozatzeko aukera egongo da.

Hortik aurrera familia giroan gozatzeko aukera anitz egongo da: Eskoletako dantza taldeak, globoflexia eta haurrentzako ikuskizun eta antzerkiak Plaza Barrian: Gargantua, erraldoiak eta buruhandiak Arriaga Plazan eta eguneroko programazioa Esperantza Frontoian: puzgarriak, trikimakoak, ohe elastikoak, zezen mekanikoa, mahai-joko erraldoiak, ludoteka eta haurrentzako tailerrak (makillajea, apaingarriak, karetak, mozorroak, collage-a, kometak…

2009 KO XVII BARNAVAL LEHIAKETA

Barnaval Bilboko Aratusteetan tradizio luzeenetarikoa duen ekitaldia da, aurten bere XVII edizioa beteko du. Ekimen honen sustatzaileak “La Ría del Ocio” aldizkaria eta Tranvía taberna dira. Mozorro eta Giropen Lehiaketa hau Bilboko ostalaritza lokalei zuzenduta dago eta Aratusteko  asteburuan, otsailak 20 eta 21, izango da.

Egun horietan (baita gauetan ere) epaimahaiak erabat mozorrotuta parte hartzen duten tabernak eta dendak bisitatuko ditu baloratzeko, besteak beste, ostalaritza eta merkataritza lokalaren girotzea, Aratusteak direla eta erantsitako dekorazioa eta langileek jantzitako mozorroak.
Lokalik hoberena, epaimahaiaren ustez, 300 euro irabaziko ditu, bigarren sailkatutakoak 210 euro eta hirugarrenak 120. Sari hauez gain, trofeo batzuk, accesits eta diplomak banatuko dira partehartzaileen artean. Informazio gehiagorako www.lariadelocio.com web orrialdea kontsulta daiteke.

BESTELAKO JARDUERAK

Granja kafetegiak antolatutako etxeko txorizoen hamahirugarren Bilbo Hiria lehiaketako sari banaketa, erromeriak, kalejira Euskal Herriko instrumentuekin, txistularien diana, eskoletako umeen dantza saioa, Beti Jai Alai Dantza taldearen Aratusteetako ikuskizuna eta Aratusteetako Kartel lehiaketako lanen erakusketa Barrainkuako Kultur Etxean dira jai programa osatzen duten bestelako jarduerak. Sardinaren erretak programari amaiera emango dio otsailaren 24an, asteartea, Arriaga Plazan 20:30etan.

2009KO ARATUSTEEN PROGRAMA OFIZIALA

Otsailaren 19a, eguena

12:00 Etxeko txorizoen “Bilbo Uria” hamahirugarren lehiaketako sarien banaketa La Granja kafetegian. Antolatzailea: La Granja kafetegia.

13:00 Etxeko txorizoak dastatzea Plaza Biribilean. Antolatzailea: La Granja kafetegia.

19:30 Kalejira San Nikolasetik abiatuta. Zazpi Kaleetan txorizoak dastatzea. (Bilboko Konpartsak).

19:30 Azken 25 urteetan Farolin eta Zarambolas izan direnei omenaldia. Bilboko Udal Musika Bandaren Aratusteetako kontzertua. Zabalgune Eraikina.

Otsailaren 20a, barikua

10:00 Bilboko ikastetxeetako umeen desfilea. Albia lorategitik Plaza Barriraino

11:00 Umeentzako Jaia. Umeentzako Txokolatada. Plaza Barriko Karpan.

18:30 Umeentzako Antzerkia: Anne Mona, Oskola Ta Karramarroi. Plaza Barriko Karpan.

17:00-20:00 Umeentzako Tailerrak Eta Jolasak. Itxaropen Kaleko Frontoian.

20:00 Epaiketa Farolin Eta Zarambolas. Bilborock (*)  (#)

19:00-22:00 Kalejira Euskal Herriko Instrumentuekin Areatzan.

Otsailaren 21a, zapatua

10:00 Diana txistulariekin.

11:00 Gargantua, Erraldoiak Eta Buruhandiak Arriaga plazan.

11:00-14:00 Umeentzako tailerrak eta jolasak. Itxaropen kaleko frontoian.

12:30 Eskoletako umeen dantza saioa. Bizkaiko Dantzarien Biltzarra. Plaza Barriko Karpan.

18:30 Bilboko KARRIKALDIA. Kale Nagusia. (Jesusen Bihotzetik Plaza Biribilera) (*)

20:00-22:00 Aratustodromoa. 3 eskenatoki: Cabaret, Beatles Cover Band eta Umeentzako Berbena Kale Animazioa; Tandarica orkestra (Kale Nagusiko
tabernen inguruan)

23:00 Aratusteko Dantzaldi Nagusia Tarantella orkestra Plaza Barriko Karpan. Kale Animazioa: Always Drinking Marching Band Alde Zaharreko Tabernetatik.

Otsailaren 22a, domeka

9:00 Indaba-jana. Putxerak eta indaba lehiaketa. Antolatzailea: Bilboko Konpartsak. Plaza Barriko Karpan.

10:00 Diana txistulariekin.

11:00-14:00 Tailerrak eta jolasak. Itxaropen kaleko frontoian.

11:00 Gargantua, Erraldoiak Eta Buruhandiak. Arriaga Plazan.

14:00 Sarien banaketa. Putxerak. Plaza Barriko Karpan (Bilboko Konpartsak).

17:00-20:00 Umeentzako Tailerrak Eta Jolasak. Itxaropen kaleko frontoian.

18:00-21:00 Kalejira Euskal Herriko Instrumentuekin.

19:00 Beti Jai Alai Dantza Taldearen Aratuste Dantzaldia Eta Jatorki Abesbatza. Plaza Barriko Karpan.

Otsailaren 23a, astelehena

11:00-14:00 Tailerrak eta jolasak. Itxaropen kaleko frontoian.

17:00-20:00 Tailerrak eta Jolasak. Itxaropen kaleko frontoian.

17:30 Globoflexia. Plaza Barriko Karpan.

18:30 Umeentzako Ikuskizuna: “Zirko Ttipia”. Plaza Barriko karpan.

Otsailaren 24a, martitzena

11:00-14:00 Tailerrak Eta Jolasak. Itxaropen kaleko frontoian.

19:30 Sardinaren Hileta-Prozesioa Plaza Barritik (parte hartu gurekin: Erdu beltzez jantzita eta ekarri kandelak).

20:30 Sardinaren Hileta. Deabru Beltzak. Arriagako Plazan.

BESTE JARDUERA BATZUK

Aratusteetako kartel erakusketa.
Barrainkua Kultur Etxea.
Otsailaren 16tik 27ra. Ordutegia: 09:00 – 21:00.

La Ría del Ocio eta Tranvía tabernaren jarduerak.
Otsailaren 20an eta 21ean (bariku eta zapatua) BARNAVAL- Bilboko
Lokal eta Denden Girotze eta Mozorrotze XVII. Lehiaketa
izango da. Antolatzaileak: La Ría del Ocio eta Tranvía taberna.
Laguntzaileak: Bilboko Udala eta Merkatar ien Elkartea.

EZINTASUNEN BAT DAUKATEN PERTSONEK PARTE HARTZEKO NEURRIAK
(*) Ikurraz adierazitako jarduerek irisgarritasunaren arloko neurri bereziak edukiko dituzte.
(#) Ikurraz adierazitako jardueretan zeinuen interpretea egongo da.
Braillez egokitutako egitaraua Bilbao Turismo sozietatearen bulegoetan eta ONCEren egoitzan egongo da.